حوارات في القهوة

الجرسون:مساء الخير يا فندم.

الزبون:مساء النور.

الجرسون: طلباتك.

الزبون:عايز واحد شاي سكر برة .

الجرسون:فتلة ولا كشري.

الزبون:كشري لو سمحت

الجرسون:طيب خفيف ولا تقيل؟

الزبون: تقيل عشان عندي صداع.

الجرسون:حاضر حاجة تانية ؟

الزبون : أه مية .

الجرسون: ميه معدنية ولا من الحنفية؟

الزبون:لأ، من الحنفية عادي

الجرسون :حاضر من عيني .

الزبون:شكراُ يا معلم.

(بعد شوية)

الزبون:بسسسسس بسسسسس الشيك .

الجرسون: اتفضل الحساب 5 جنيه .

الزبون : تمام بس أنا مش معايا فكة. معاك باقي خمسين؟

الزبونة:لوسمحت عايزة....... .

الجرسون:انتي منين؟

الزبونة :أنا من السويد.

الجرسون:الله و كل البنات في السويد جمال كدة؟

الزبونة : شكرأ أنا عايزة واحد قهوة.

الجرسون: قهوتك ازاي؟

الزبونة: قهوة تركي باللبن من غير سكر.

الجرسون:تمام،حاجة تاني؟

فيه حلويات حلوة أوي

الزبونة: لا شكراً ماباكلش حلويات.

( بعد شوية)

الزبونة: الحساب كام لوسمحت؟

الجرسون:لأ خلاص خللي المرة دي ..

الزبون:مساء الخير

الجرسون: يا مساء الفل و الياسمين.

إنت منين يا باشا؟

الزبون:أنا من إيطاليا.

الجرسون : أحسن ناس أهلاً و سهلاً.

الزبون:أهلاً بيك

الجرسون: إنت بتتكلم عربي كويس أكيد باباك مصري!

الزبون:لأ ، بابا إيطالي.

الجرسون: مامتك مصرية؟

الزبون:برضه لأ بس أنا عايش في مصر و بادرس عربي و باحب مصر .

الجرسون: يعني انت عارف و فاهم كل حاجة في مصر دلوقتي.

الزبون:مش أوي .

الجرسون: اؤمر أي خدمة .

الزبون:هات لي واحد كركديه .

الجرسون:سخن ولا ساقع؟

الزبون: لا يا عم سخن . الجو برد. بس بسرعة عشان مستعجل .

الجرسون: حاضر طيارة.

Uppsala University 2015 program