العامية والفصحي

العامية والفصحي

بينما كانت اللغة العربية الفصحى تسير في حالها كافية خيرها شرها  استوقفتها اللغة العامية وليست اي عامية..العامية المصرية

انت يا اللي اسمك فصحى

نعم .. ماذا تريدين مني ؟

اسمعي كويس .. انا عايزة اتكلم معاكي شوية

حسنا ,كلي اذان صاغية

اسمعي بقى .. رغم من اني مبحبش اهدد حد او ازعل حد مني .. بس انا لاحظت انك زودتيها اوي ..

- ماذا تقصدين ؟!

مش ملاحظة انك في كل مكان .. وانا ياعيني بالعافية في اماكن قليلة اقدر اعدها على صوابعي !

- كيف ؟! .. مازلت لا افهمك ؟!!

- يا صلاة النبي !! .. يعني انتي تكوني في كل الجرايد الحكومية وغير الحكومية وفي كل القصص تقريبا وفي اغلبية

الاشعاروانتي اللي بيكتب بيكي نجيب محفوظ واحسان عبدالقدوس وكل الكتاب المشهورين واللي مش مشهورين وانتي

و اليافطات اللي ف الشارع   اللي بيتكتب بيكي على علب الايس كريم والشيبسي

  وانتي اللي بيتكتب بيكي في كل الاماكن تقريبا !! ..

كل ده ولسه مش فاهمة ؟؟

لقد فهمت وجهة نظرك التي تقصدينها الان .. ولكن الم تتساءلي في نفسك انني لا استخدم اطلاقا في التكلم بين الناس ..

- ايوه .. بس ا…..

هل رأيتِ في حياتك اي شخص مصري يتكلم مع اي شخص اخر باللغة العربية الفصحى ..

- لا طبعا ..

الم اقل لك ان شعبيتك تتخطى شعبيتي كثيرا ؟! ..

في الحقيقة انتي مقلتليش .. بس كلامك برضوا صح ..

(بدا الحزن واضحا في عيني اللغة العربية الفصحى وهي تقول)

- لم يعد احد يتكلم بي بعد الان .. اصبحت كاللغة التي يتشائم منها الناس .. بالرغم من انني اللغة التي كتب بها القران الكريم !!

طبعا محدش يقدر ينكر انك مهمة جدا .. وليكي اهميتك .. ومن غيرك مكنش القران هيتفهم بالسهولة دي من كل الشعوب

 انا بعرف اضيف كلمات ملهاش معنى للكلام او

اضيف كلمات اجنبية للكلام فتخلي معنى الكلام اوضح واسهل … بس انتى متقدريش … وبعدين في كلمات ملهاش اصل

في اللغة بس خلاص بقت جزء مني

وصعب جدا نلاقيها في اللغة العربية الفصحى … يعني الكلام بيا اسهل بكتير من الكلام بيكي !!

- لا توجد كلمة واحدة في لغتك غير موجودة في لغتي !!

- يا سلااااااام .. طيب .. عايزة دليل ؟!

- نعم !!

- يعني ايه تلفزيون باللغة الفصحى ؟! .. ومتقولليش التلفاز !!

- المرناة !!

- احم .. احم .. طب يعني ايه روش ؟!

- صاحب الشخصية المرحة !!

- طب … ولا اقولك خلاص !

- الم اقل لك انه لا توجد كلمة لديك لا توجد عندي !

- طب اسمعي بقى اخر حاجة .. انا ماشية دلوقتي بس قبل ماامشي عايزاكي تعرفي إن انا

كمان بيتكتب بيا … في برضه بعض الناس بيحبوا يكتبوا بيا .. متفتكريش انك لوحدك !

قالت في برود حسنا .. وما الجديد ؟!

- ده حتى اللي كاتب الموضوع ده بيكتب بيا !!

في برود اشد- هو انسان غير مقدر لي … لذلك لا ارى اي مشكلة .. هذه وجهة نظره !!

مااااااااشي .. انا وانتي والزمن طويل يا فصحى

…..

وغادرت اللغة العامية المكان وتركت الفصحى تكمل طريقها في هدوء..

و ما زالت كل لغة مقتنعة بأنها الافضل !!

و ما زالت النتيجة التعادل السلبي !! 

 

المفردات

Pessimistic

يتشائم

Deny

ينكر

Point of view

وجهة نظر

Convinced

مقتنعة

Parity

التعادل

 

الاسئلة

1_ماذا كانت تفعل اللغة الفصحي عندما قابلت العامية ؟

------------------------------------------------------------------------------------------------------------------------------------------------------------------------------2_لماذا كانت اللغة العامية حاقدة علي اللغة الفصحي ؟

------------------------------------------------------------------------------------------------------------------------------------------------------------------------------3_ماالذي جعل اللغة الفصحي حزينة ؟

------------------------------------------------------------------------------------------------------------------------------------------------------------------------------4_ماهي لغة القران الكريم العامية ام الفصحي ؟

--------------------------------------------------------------------------------------------------------------------5_ماراي كل لغة في مدي اهميتها ؟

------------------------------------------------------------------------------------------------------------------------------------------------------------------------------6_مانتيجة الحوار بين العامية والفصحي ؟

------------------------------------------------------------------------------------------------------------------------------------------------------------------------------

                                                                         Download

 

Uppsala University 2016 program